20.4.16

Letras Galegas 2016: Manuel María


Este ano o Día das Letras Galegas está dedicado ao escritor Manuel María. Deixámosvos unha serie de recursos e xogos para que aprendades máis sobre este autor:
 




Test sobre Manuel María

Todos estes recursos foron elaborados por Aurora Gay Méndez (CEIP A Ponte, Lugo)

Os Xogos Olímpicos

Este trimestre en educación física tedes que realizar un traballo de investigación sobre os xogos olímpicos. Aquí tedes as instrucións para elaboralo:


"Elabora un trabajo sobre los juegos olímpicos, donde queden reflejadas las respuestas a las siguientes cuestiones:

1. Diferencia entre juegos olímpicos y olimpiadas.

2. Qué simbolizan los aros olímpicos.

3. Origen de los JJOO.

4. Dónde y cuándo se originaron los JJOO modernos.

5. Qué es el COI y función.

6. Medallas y diplomas olímpicos.

7. Sede de los JJOO. Cuándo se celebraron en España y cuál es la sede de los JJOO en 2106.

8. Juegos paralímpicos.

9. Juegos de juventud.

10. Juegos de invierno.

11. La mujer hizo aparición por primera vez en unos juegos olímpicos...

12. Cuáles fueron los primeros juegos olímpicos en la historia, en los que todos los países participantes incluyeron mujeres  en su equipo olímpico.

13. Existen dos deportes en los cuales los hombres no participan, ¿cuáles son?

14. Da tu opinión de cuál puede ser el impacto económico y social  de los JJOO en los países y ciudades sedes.

15. Deportistas olímpic@S GALEG@S. Escoger un/una y comentar brevemente.


El trabajo será presentado a ordenador, letra Arial 12 y de un máximo de cinco folios. Fecha límite de entrega el 12 de mayo."

14.4.16

Unha viaxe a través da Historia

En Ciencias Sociais comezamos a estudar a Historia e descubrimos que é moi interesante e divertida. Se non me credes, probade esta actividade feita polo CEIP. Brianda de Luna, que nos fai un percorrido desde a Prehistoria ata o Século de Ouro, deténdose en Roma, a Idade Media e Al-Andalus.

http://catedu.es/chuegos/historia/historia.swf


8.4.16

London Cable Car - Teleférico de Londres

Na clase de Plástica estivemos traballando sobre o London Cable Car. Isto foi o que aprendemos:

The London Cable Car crosses the River Thames in East London, between The Royal Docks and the Greenwich Peninsula.

O teleférico de Londres cruza o río Támesis no este de Londres, entre os Peiraos Reais e a Península de Greenwich.


The cars leave each terminal every few seconds. Journey time is ten minutes which gives visitors time to appreciate the view. Each car can seat up to ten people and two bicycles, and boarding is monitored by staff.

As cabinas saen das terminais cada poucos segundos. A viaxe dura dez minutos, tempo suficiente para que os visitantes aprecien as vistas. En cada cabina poden ir ata dez persoas e dúas bicicletas, e o embarque está controlado polo persoal.
 
The cable car opens at 7 am Monday-Friday, 8 am Saturday and 9 am Sunday. It closes at 8 pm during the winter months (October to March) and at 9 pm during the Summer Months (April to September).

O teleférico abre ás 7 da mañá de luns a venres, ás 8 da mañá os sábados e ás 9 os domingos. Pecha ás 8 da tarde durante os meses de inverno (de outubro a marzo) e ás 9 da tarde os meses de verán (de abril a setembro).

The service may be suspended if there are strong winds, or if there is a threat of thunder and lightning in the immediate area. Service status information can be obtained from the Transport for London website.

O servizo pode suspenderse se hai vento forte ou se hai ameaza de treboada e raios na área cercana. O estado do servizo pode consultarse na páxina web de Transporte de Londres.

Ademais de aprender toda esta información sobre o London Cable Car, os alumnos e alumnas do 5º pino B fixeron as súas propias cabinas do teleférico:




24.2.16

Día de Rosalía



Hoxe é 24 de febreiro. Esta data coincide co día do nacemento da escritora Rosalía de Castro, por iso hoxe se celebra o Día de Rosalía.
Para saber máis sobre esta autora visitade a páxina web da Fundación Rosalía de Castro.  Nesta web atoparedes información sobre a biografía e a obra de Rosalía, distintas imaxes e representacións artísticas da autora e información sobre a Casa-Museo, situada en Padrón.




En días anteriores, cada alumna e alumno ilustrou e escribiu unha tarxeta postal cun anaquiño dun poema de Rosalía para enviar ás familias e desexarlles un feliz día. Agardamos que lles gustaran as tarxetas e lles fixera ilusión recibilas. Seguro que foi unha sorpresa!



 

Ademais, hoxe conmemoramos esta data na escola cunha lectura e recitado de poesía durante a  hora de ler. Os nenos e nenas do 5º pino B leron o seguinte poema, titulado Alborada:








Vaite, noite,
vai fuxindo.
Vente aurora,
vente abrindo,
co teu rostro,
que, sorrindo,
a sombra espanta!!!

Canta,
paxariño, canta
de ponliña en ponla,
que o sol se levanta
polo monte verde,
polo verde monte,
alegrando as herbas,
alegrando as fontes!...

Canta, paxariño alegre,
canta!
Canta porque o millo medre,
canta!
Canta porque a luz te escoite,
canta!
Canta que fuxeu a noite.

Noite escura
logo ven
e moito dura
co seu manto
de tristura.
Con meigallos e temores,
agoreira
de dores,
agarimo
de pesares,
cubridora
en todo mal.
Sal!

Que a auroriña
o ceu colora
cunhas árbores
que namora,
cun sembrante
de ouro e prata
tinguidiño
de escarlata.
Cuns vestidos
de diamante
que lle borda
o sol amante
entre as ondas
de cristal.

Sal...!
Señora en todo mal,
que o sol
xa brilla
nas cunchiñas do areal;
que a luz
do día
viste a terra de alegría;
que o sol,
derrete con amor a escarcha fría.

Rosalía de Castro
Cantares Gallegos


Se non chega a primavera e queres ter vacacións...

O entroido xa pasou, mais os científicos de 5º teñen claro que o que máis lles gusta son as vacacións... Así que non tardes en mercar o "vacalendario" de 5º A ou a máquina do tempo "que só che leva ao verán" de 5º B. 


Este entroido baixamos a Taragoña para presentarlles estes magníficos inventos aos nosos amigos, familiares e veciños. Moitas grazas aos músicos que nos acompañaron durante a saída e tamén a algún pai que se sumou á nosa festa do entroido.






Ao volver ao colexio esperábannos as rosquillas, filloas, orellas... que ricas estaban!




23.2.16

Os dados de contar historias

 
Esta semana en Lingua Galega estreamos un novo xogo que resultou ser un éxito, os dados de contar historias.
O xogo consta de seis dados cun debuxo diferente en cada unha das súas caras e a forma de xogar é moi sinxela: os xogadores lanzan os dados por turnos e cos debuxos que obteñen teñen que inventar unha historia e contarlla aos demais participantes.



Os nenos e nenas do 5º pino B déronnos a súa opinión sobre os dados de contar historias despois de probalos:
Íker: "Son moi divertidos porque se poden facer historias graciosas e non decides ti o que pasa, teste que apañar co que che sae nos dados."
Miguel: "Fomentan a imaxinación e son bos para inventar historias e mellorar a redacción."



Sandra: "Son divertidos porque podes inventar as historias que queiras cos personaxes e obxectos que che toquen."
Raúl: "Son chulos porque podes crear a historia que ti queiras e podes usar a imaxinación."

 
 

 
Iván: "Son moi divertidos porque podes facer a historia que queiras co que che toque."
Noelia: "A min gustáronme os dados porque podes inventar historias graciosas e que sexan con ou sen sentido."




É sorprendente comprobar que, a maioría das veces, as cousas máis sinxelas son as que máis lles divirten. Isto demostra que os xoguetes non teñen que ser caros e complexos, o máis importante é que estimulen a imaxinación.

19.2.16

We love London!


En plástica estivemos aprendendo cales son os monumentos máis importantes de Londres e coñecendo outros símbolos da cidade, como os taxis negros, as cabinas de teléfono ou os buses vermellos de dous pisos.
Fixemos un mural para situar eses monumentos no plano da cidade e expoñer os nosos traballos. A que quedou chulo?


13.2.16

Dez boas razóns para practicar un deporte

Aquí vos deixamos o artigo da Voz de Galicia que precisades para o traballo proposto en Educación Física:

Dez boas razóns para practicar un deporte




Lembrade que unha das tarefas para este 2º trimestre en Educación Física é ler a nova acompañado dun adulto. Logo tedes que realizar un resumo e escribir dúas opinións (a túa e a do adulto).

12.2.16

O día da Paz



Aínda que xa pasou o día, non queríamos deixar de contarvos como celebramos o día da Paz no cole. O 30 de xaneiro conmemorouse o aniversario da morte do Mahatma Gandhi, asasinado en 1948.

Mohandas Karamchand Gandhi naceu na India en 1869.
Estudou Dereito en Inglaterra e trasladouse a Sudáfrica a exercer como avogado. En Sudáfrica levou a cabo as súas primeiras accións de protesta pacífica contra o racismo.

Tras 20 anos de manifestacións e resistencia pasiva que serviron para acadar melloras en Sudáfrica, voltou á India, onde comezou coa loita pola independencia do seu país, que naquel entón era colonia de Gran Bretaña.

A súa forma de loita e protesta non violenta foi seguida en India por millóns de persoas que se opoñían tamén á dominación británica.

Gandhi foi detido en moitas ocasións, pero acostumaba ser posto en liberdade debido á presión do pobo indio, que o admiraba moitísimo pola súa bondade e entrega. Tanto era así que lle chamaban Mahatma, que significa "alma grande".
Tras moitos anos de loita pacífica do pobo indio liderado por Gandhi, Gran Bretaña concedeu a indepencia á India en 1947. Ao ano seguinte, en 1948, Gandhi morreu asasinado. A súa morte foi considerada unha catástrofe internacional e Gandhi convertiuse nun símbolo do pacifismo en todo o mundo debido á súa loita non violenta polos dereitos das persoas e dos pobos.

Na clase de Valores, estivemos traballando sobre este personaxe e aprendendo moitas cousas sobre a súa biografía e o seu xeito de protestar contra as desigualdades e inxustizas. Despois, entre todos, pintamos retratos de Gandhi para facerlle unha pequena homenaxe.